00:02
छत्तीसगढ़ म पधारे हे गणपति महराज ,संग म मुसुआ के सवारी करे हवय आज
जम्मो डाहर जयकारा के आवत हे आवाज
गली मोहल्ला गांव शहर बिराजत हे गणराज
छत्तीसगढ़ म होगे हवय लंबोदर के आगाज ,पंडाल चबूतरा सब होगे हवय ताज साज
हमर दिल म करथस मोरिया तै हमेशा राज,सुख समृद्धि देथस सिद्ध करथस कामकाज
रिद्धि सिद्धी तिजहारिन ल देख लागे मुस्कावन,ठेठरी खुरमी बरा सोंहारी खाके लागे मनभावन
दुनो कहे इंहा ल छोड़ के अब कभु नई जावन ,विनायक स्वामी ल दुनो मिलके लागे मनावन
भोले बाबा पार्वती माता घलो इंहा आवत हे,महादेव घाट सोमनाथ देख भारी मुस्कावत हे
पार्वती माई संवागा लेबर गोलबाजार जावत हे,अपन कैलाश पुरी ल छत्तीसगढ़ म बसावत हे
हे गजानंद हे लंबोदर मुसुआ के सवारी,हमन ल देवत रहिबे दया मया पारी पारी
सुख समृद्धि अन्न धन देवत रहिबे भारी,एकदंत हे विनायक हमन हवन आभारी
