दान के महापरब छेरछेरा तिहार के आप मन ल बधाई

दान के महापरब छेरछेरा तिहार के आप मन ल बधाई

                                 हमर लोकपरब ....दान के महापरब छेरछेरा तिहार के आप मन ल बधाई .... गीत छेरछेरा छेरछेरा...छेरछेरा...छेरछेरा.... 22:16

                                

हमर लोकपरब ....दान के महापरब छेरछेरा तिहार के आप मन ल बधाई ....
गीत
छेरछेरा
छेरछेरा...छेरछेरा...छेरछेरा...
माई कोठी के धान ल हेरते हेरा...
छेरछेरा...छेरछेरा...छेरछेरा....
दान के ये महापरब छत्तीसगढ़ म मनाथे
पुस के पून्नी के दिन ये तिहार ह आथे
लइका-सियान,छोटे-बड़े सबों मांगे जाथे
अमीर-गरीब के भेद ये ह तो मिटाथे
सबजुल मिल कहिथे दाई जल्दी हेरी के हेरा
छेरछेरा...छेरछेरा....छेरछेरा...
गांव-गांव म निकलथे नाचत-गावत टोली
कोनों धरे झोला-बोरी, कोनों पसारत ओली
हांका पारत चिखत-चिल्लावत बोलत मया के बोली
घर-घर सब जावत जाथे अउ भरत जाथे झोली
दुआरी-दुआरी जाके कहिथे दाई जल्दी हेरी के हेरा
छेरछेरा....छेरछेरा....छेरछेरा...
धीरे-धीरे सब नंदावत हावय इहु नंदा जाही
कोन देही दान अउ कोन त मांगे जाही
दानपरब के ये महिमा ल आगु कोन बताही
गीत ल तोरे बेमेतरिहा फेर काबर कोनो गाही
सहरी संस्किरती का कोनों कहिथे दाई हेरी के हेरा
छेरछेरा....छेरछेरा....छेरछेरा.....
तिवारी भइया तोला कुछ तो करे ल परही
ये सुकुल बबा तहु ल उधिम करे ल परही
चतुर्वेदी बबा के बाना ल सब धरे ल परही
मीर अली मीर ले कोनों पीर निकल परही
हम सब ल मिल के बचाए ल परही पुरखौती डेरा....
छेरछेरा......छेरछेरा.....छेरछेरा.